Sharing stories · Sharing life · Sharing memories

2022年1月16日係我寶貝哥基仔得得移民去彩虹橋嘅日子，回想15年前，由佢BB回家嘅那刻，我親手埋下離別痛苦嘅種子，但呢15年佢所帶來嘅開心果實卻係我一生最幸福無比嘅時光。我嘅得得從小到大十分喜愛乾淨，教定點大小便只教了兩天。到了打齊3針後，我們每天帶佢去街，佢再沒有在家大小便，當然10號風球佢都一定要去街街（笑），當年山竹暴風侵襲，佢還係帶着可愛笑容無畏無懼地落街街，但我爸爸被風吹得馬步也站不穩。

在今年1月頭開始，我便感覺佢今年會離開我，正當我努力將這個不好嘅念頭壓下去，佢便在1月14日開始衰退，那天佢沒有睡覺，眼睛一直望着我們家嘅佛像(我家得得在1歲時歸依佛，成為了佛家小狗)。1月15日佢眼睛不停看着我，即使腳沒有力，也撐起身體找我們家裏每一個人，佢好像在道別，也好像傳遞一些保重嘅訊息。那天晚上我們陪着佢直到佢呼吸困難，舌頭變了紫色就立即送佢到診所，得得一狗輩子也遇上好人，當晚危急關頭就遇上充滿愛心嘅的士哥哥一路開車一路為佢打氣，叫佢撐住。到了診所醫生要為佢吊鹽水打強心針。我吻了佢嘅頭數下，對佢說明天一好返，媽媽就帶你返屋企，佢張開眼看了我和我媽媽一眼後，便爬下在氧氣箱休息，這次就係我最後一次親佢了。

人們常常將「狗畢業了」比喻狗狗離世，我們家也一樣，在畢業禮上，我為佢帶上我親手做嘅畢業四方帽，我帶了很多佢愛吃嘅「好味道」(好味道係佢對食物認知)。得得嘅契媽Helda帶了佢愛嘅士多啤梨和小球球跟佢道別，我們嘅大喇嘛替佢頌經，佢很喜愛嘅May姨也來佢嘅畢業典禮。

那天我哭得太厲害，忘記為得得你鼓掌，忘記對你説多謝你，我愛你。忘記對你説一句：得得，你係媽媽心目中最完美嘅哥基狗狗，我們以你為榮，我們愛你，如果你想再回來我們家，一定要返嚟我們身邊。